10
қараша
2023
Біртұтас тәрбие бағдарламасы
Біртұтас тәрбие бағдарламасы» -саналы ұрпақ тәрбиелеу кепілі
Тәрбие – өскелең ұрпақты биікке жетелейтін сапалы білімнің тұғыры. Қазіргі таңда қадір-қасиет, ар-намыс, адалдық, патриотизм, жауапкершілік, әдептілік, мейірімділік, сүйіспеншілік, үлкенге ізет, кішіге құрмет сияқты қасиеттерге ие шығармашыл азаматты тәрбиелеу басты міндетіміздің бірі болып отыр. Сондықтан Ұлттық құрылтай отырысында Мемлекет басшысы білім беру саласына қатысты бірқатар негізгі міндеттерге тоқталған болатын. Нәтижесінде «Ұлттық тәрбие – ел болашағы» тәрбиесінің тұжырымдамалық негіздері енгізіліп жатыр. Яғни, биылғы оқу жылынан бастап 2023-2025 жылдарға арналған жалпы адамзаттық және ұлттық құндылықтар негізінде өскелең ұрпақты тәрбиелеу сапасын арттыруға бағытталған «Біртұтас тәрбие бағдарламасы» іске асырылуда. Биылдан бастап тәрбие жұмысының рөлін күшейтуге көп көңіл бөлініп отыр. Мектепішілік бақылау - бұл білім алушылар мен педагогтердің жалпымемлекеттік талаптары мен сұраныстарына сәйкес оқу-тәрбие процесінің жай-күйін бағалау жүйесі десек, біртұтас тәрбие бағдарламасы бүгінгі таңда мектепшілік бақылау жүргізуде негізгі бағытымызға айналып отыр. Осыған байланысты Бағдарлама негізінде мектепшілік бақылауда тәрбие жұмысының рөлін күшейту басты назарға алынды.Бағдарлама негізінде мектептің тәрбие жұмысы бағыты бір арнаға тоғысты.. Сонымен қатар, балаларды оқыту мен тәрбиелеуде отбасы мен мектептің өзара байланысы да басты назарда болады.
