Өрт-тактикалық сабақ

2026 жылдың 14 майында Тараз қаласы Төтенше жағдайлар басқармасы №2 мамандандырылған өрт сөндіру бөлімінің қызметкерлері және Тараз қаласы білім бөлімінің №24 гимназиясының ұжымымен бірлесе отырып, бекітілген кестеге сәйкес өрт-тактикалық сабақ өткізді.

Сабақ барысында шартты өртті сөндіру, оқушылар мен мектеп қызметкерлерін эвакуациялау, сондай-ақ алғашқы көмек көрсету тәсілдері пысықталды. Сонымен қатар ғимараттың эвакуациялық шығу жолдары мен өрт гидранттарының орналасуы тексеріліп, мектеп қызметкерлеріне өрт қауіпсіздігі талаптарын сақтау және алғашқы өрт сөндіру құралдарын пайдалану бойынша түсіндіру жұмыстары жүргізілді.

Жаттығудың мақсаты – төтенше жағдайлар кезінде жедел әрекет ету дағдыларын жетілдіру, сондай-ақ жұмылдырылатын күштер мен құралдардың өзара іс-қимылын үйлестіру.